અમદાવાદ, ગાંધીનગર અને સુરતમાં કમર તોડ વીજ દર વધારો ઝીકાયો

- પ્રતિ યુનિટ 44 પૈસાનો વધારો ઝીંકાયો

અમદાવાદ ટોરેન્ટ પાવર દ્વારા અમદાવાદ, ગાંધીનગર તથા સુરતમાં વીજળી દરમાં અધધ ભાવ વધારો ઝીકાયો છે. હજી ગુજરાતમાં મતદાન પૂરું થયે માંડ પાંચ દિવસ થયા છે, ત્યાં ગઈકાલે દૂધમાં ભાવ વધારા બાદ આજે વીજળીમાં ભાવ વધારો થતા લોકોમાં ફફડાટ પેસીગયો છે. અને જાણે ખાનગી કંપનીઓ અને સરકાર હેટ્રિક કરવા બેથી હોય તેમ દરરોજ એક યા બીજી જીવન જરૂરિયાતની ચીજ વસ્તુઓ કે સેવાઓ પર આવા વધારા ઝીકાયા છે.

ખાનગી વીજ કંપની ટોરેન્ટ દ્વારા અમદાવાદ, ગાંધીનગર અને સુરતમાં વિજળી દરમાં  ભાવ વધારો કરવામાં આવ્યો છે. આ વધારાને GERC દ્રારા અનુમોદન આપવામાં આવ્યું છે. જેમાં પ્રતિ યુનિટ 44 પૈસાનો વધારો ઝીંકવામાં આવ્યો છે.

જોકે BPL, ખેતીવાડી ગ્રાહકોને આ ભાવવધારામાંથી મુકિત આપવામાં આવી છે. પ્રતિમાસ 50 યુનિટ સુધી વાપરતાં ગ્રાહકોને પણ મુકિત અપાઇ છે. આ ભાવવધારો ટોરેન્ટ દ્રારા 1લી મે થી અમલમાં કરાયો છે. હજી તો લોકસભાની ચૂંટણીના પરિણામ પણ નથી આવ્યા.